Gjafapakki með handlituðu garni og uppskrift Náttúruprjóns.
Hugmyndina að mynstrinu fékk ég, þegar ég gekk fram hjá steindum gluggum Akureyrarkirkju í einni af heimsóknum mínum norður og sólin skein svo fallega í gegnum glerið.
Hefðbundið tvíbanda húfu og/eða vettlinga prjón með tvílitu tvöföldu stroffi. Mynstrið er reglulegt. Löng bönd myndast einungis á fáum stöðum, sem hægt er að festa í þriðju hverri lykkju á bak við.
Góðar leiðbeiningar ásamt slóðum á skýringamyndbönd fylgja, prjónar eru ekki innifaldir. Garnið er 85% merinó ull / 15% nælon, yndislegt að prjóna úr.
