Litunarkvöld Náttúruprjóns

Náttúruprjón tekur á móti einstaklingum og/eða hópum í skapandi vinnustofu þar
sem hver og einn handlitar garn að eigin vali undir leiðsögn. Þetta er gefandi og
skemmtileg stund, afraksturinn má svo nota í hvers kyns verkefni og handverkið
getur varla orðið persónulegra.

Við bókun eða 24 klst fyrir kvöldið þarf að velja garngrunn þar sem undirbúa þarf
garnið tímanlega. Litina er hægt að velja á staðnum og garnið er innifalið í
pakkanum.


Staðsetning: Skútahraun 17c í Hafnarfirði (beint á móti slökkvistöð)
Tímasetning: 19.00-22.00 á virkum kvöldum (mögulegt að semja um laugardaga)

Verð: 18.500 m.vsk, greitt við bókun. Hægt að fá kvittun á staðnum.

Innifalið: 2*100g hespur (50g ef silkimohair er valið), litir til að lita, leiðsögn á íslensku eða ensku, léttar veitingar og góður félagsskapur. Báðar hespur eru af sama garni en hægt að blanda eftir óskum, látið vita með sólahringsfyrirvara ef þið ætlið að taka sitthvora tegundina, sendið póst á natturuprjon@natturuprjon.is

Bókun: Heimasíða Náttúruprjóns https://natturuprjon.is

Nauðsynlegur búnaður: Ílát / ziplock poki til að flytja rakt garn með heim, svunta til að verja klæðnað, mögulega handavinna til að vinna að á meðan beðið er eftir að litur festist.

Fjöldi: Allt að 8 geta komið að lita saman, fyrir fleiri en 8 þarf að skipta litunarhópnum á tvö kvöld, mæta má á bæði en aðeins helmingurinn litar í hvort skipti. Hægt að finna góða lausn fyrir hópa.

Garn: Garnið er allt mjög vandað, mjúkt og auðmeðfarið superwash merinoullargarn í fingering eða DK grófleika. Hægt er að velja um nælonstyrkingu, glitþræði og mismunandi blöndur eins og mulberry silki og cashmere. Að auki er hægt að velja silkimohair.
Tæmandi framboð hverju sinni er að finna á heimasíðunni.